: روايه رائـعه ~ لمنـي في محجر عيونك حبيبي~ لعشاق الروايات

واتفقت العايله انهم يروحون الاستراحه ‏يوم الخميس وحجزوها كانت في ‏المزاحميه استراحه مره كبيره وحلووه ‏
وكلن مشغول بالتجهيز والترتيب ‏

ـــــــــــــــــــــــــــــــــــــ
ولع راحت عند اختها : دلع دلعلع سمعتي ‏اخر خبر ..؟
دلع : دلعلع بعينك خربتي اسمي لا ما ‏سمعته ولا ابي اسمعه ومره ثانيه استأذني ‏قبل تدخلين والحين ضفي وجهك ‏وانقلعي ‏
ولع وهي رايحه : بكيفك بس كنت ‏بقولك اننا بنروح الاستراحه كل العايله ‏الكريمه ويمكن تشوفين حبيب الالب ‏سعود ‏
دلع من سمعت طاريه طارت عند اختها : ‏والله جد ولع تتكلمين جد ‏
ولع : لا وين اللي تو تهزئني وبعدين انا ما ‏امزح معك في هالامور فأكيد اتكلم جد
دلع تبوس اختها : انتي احسن وحده ‏والله احبك ‏
ولع تمسح خدودها : خلاص بللتيني بس ‏كنت بقولك وش رايك نطلع بنيو لوك ‏جديد << وهي شاقه الحلق‏
دلع بتفكير : امممم والله فكره يمكن ‏يشوفني سعود
ولع وهي طالعه : هذا اللي هامك يالله انا ‏بروح اكلم بنت عموو واتفق معها احسن ‏من مقابل هالخشه ورااحت لغرفتها ‏
وخلت دلع غاارقه فأحلامها الورديه...‏

ــــــــــــــــــــــــــــــــــــــــــــ
اليوم كان اربعاء والكل يفكر بطلعه بكرا ‏ويخطط لها وبالاخص البنوتاات ‏

اما في شارع التحليه وعند صدى التحليه ‏بالتحديد ..‏
يزيد : والله شفتلكم وحده اووووف انما ‏ايه صاااروووخ ‏
فيصل : احلف .. اهم شي تكون صدتها
يزيد : افا عليك انا تفوتني هالصيده
تركي لاهي عنهم ويطقطق بالجوال ‏
محمد : والله انكم حوموتوا كبودنا ‏بهالبنات كل يوم والثاني بنت يعني ما ‏مليتوا
تركي اخيرا تكلم : والله انه صادق اذا انا ‏اللي بس اسمع طفشت اجل كيف انتوا
يزيد : انتوا ناااس معقـ .. قطع كلامه صوت ‏جواله رد وهو يبتسم : هلا وغلا بالزين كله ‏هلا بشيخه البنات ‏
سحر بخجل : هذا كله لي ..‏
يزيد : اكيد لو ما قلته لك بقوله لمين ‏
تركي ومحمد فاقين خششهم عليه اسلوب ‏يطيح الولد ابن اللذينا ‏
اما فيصل قاعد يضحك عليه ‏
سحر : تسلملي حبيبي انت وينك فيه ‏الحين ‏
يزيد : يوووه وش قلتي عيدي ما سمعت ‏
سحر : قلت وينك فيه الحين ..؟
يزيد : لا اللي قبلها ما سمعتها زين
سحر بغنج زايد : يزييييييد لا تحرجني
يزيد : اموووت انا على اسمي يا حلاته من ‏لسانك .. بس لا تصرفين عيديها
سحر مستحيه : قلت تسلملي حبيبي ‏
يزيد : الله يا زينها من كلمه انا حبيبك ‏وقام يستهبل ياانااس انا حبيب سحوورتي ‏
سحر بخجل : اووص يزيد بلا فضايح
يزيد : خل العالم كلها تعرف اني حبيبك ‏
شوي اللي جاله خط ثاني ‏
يزيد : سحورتي حياتي لحظه شوي
سحر : خذ راحتك ‏
الخط الثاني : الو ‏
يزيد : هلا بالحلا كله هلا باللي من اسمع ‏صوتها يرجف قلبي من حلاه ‏
ساره : الله يا زين حكيك يرد فيني الروح
يزيد انتي اللي صوتك يرد الروح اخبارك ‏عمري ..‏
ساره : من سمعت صوتك وانا بخير ‏
يزيد وهو يسولف ولاهي عنهم ..‏
تركي : والله مدري متى بيعقل هالادمي ‏
فيصل : اذا حجت البقره على قرونها ‏
محمد : وانت مثله لا تنسى نفسك ‏
فيصل : على الاقل انا جرعه وحده باليوم ‏مو زي يزيد ثلاث اربع جرعات باليوم
تركي : اوووص اووص لا تفضحنا الحين ‏الناس يحسبونكم تتعاطون شي ‏
محمد : هههههههههه الله يرجك صدقت
شوي الا يدق جوال تركي ‏
وطلعت اخته طبعا هو متعود يدلعها ‏ويكلمها كلام حلو رد : يا هلا بالغاليه
غرام : هلا تروكي كيفك ‏
تركي : الحين انا بخير تصدقين وحشتيني
غرام : ههههههههه لو كنت قدامك كان ‏رفستني لغرفتي ..‏
تركي : هههههههه ايه بس اذا كنتي بعيده ‏عني اشتاقلك كم غرروومه عندي انا ‏
محمد وفيصل يناظرون بعض ومستغربين ‏من تركي على بالهم يكلم وحده تعرف ‏عليها ..‏
غرام : تروكي انت بتجي معنا بكرا ‏الاستراحه ..؟
تركي : اكيد الطلعه ما تتفوت فبكون اول ‏واحد الكل بيروح صح ‏
غرام : أي ان شاء الله يالله تروكي انا ‏بسكر الحين تبي شي ..؟
تركي : لا سلامت قلبك انتي اذا تبين ‏شي كلميني
خلص يزيد من مكالماته وجلس : وش فيه ‏ذا يكلم مين .؟
محمد : علمي علمك بس الظاهر انكم ‏عديتوه ..‏
فيصل : من جد طاااح من عيني
يزيد : هههههههه لا تتسرع انا اعرف يكلم ‏مين ..‏
محمد وفيصل برجه : ميــن ‏
يزيد ناظرهم بنص عين : مالكم دخــل .‏
سكر تركي وقعد يناظرهم مستغرب : وش ‏فيكم ..‏
يزيد يضحك : هههههههه مستغربين يقولون ‏تكلم مين ..‏
محمد : من جد متى تعرفت عليها ‏
فيصل : ولا تقولنا هذا وحنا ربعك ‏
تركي استغرب : وش فيكم كنت اكلم ‏
يزيــد بسررعه : بنت عموو يعني اخته
محمد وفيصل : من جدك تكلمها كذا كنها ‏حبيبتك ‏
تركي : طيب وهي حبيبتي وين المشكله ‏
يزيد : لا تستغربون رح تتعودون اخته ‏الوحيده لازم يدلعها

--------------------------------------------------------------------------------

غرام : بس حنا وش ذنبنا ‏
تركي : اقول امشي بدون نقااش ‏
حلا بهدوء : طيب يا تركي زي ما قالت غرام ‏حنا فحالنا خلنا نقضي اللي نبيه ونروح ‏
ولع : ماتبونا نمشي لحالنا تعالوا معنا الله لا ‏يهينكم
تركي هدا : اوكي انا ابجي معكم منب فاضين ‏نقابل زي الاشكال هذي ‏
راح تركي للعيال ‏

تركي يحاكي اخوه : عبد الرحمن روحوا انتوا ‏انا بقعد مع البنات واذا تأكدت انهم راحوا ‏البيت الحقكم ‏
يزيد : ترووك انا ابجي معك ‏
طلال : اوكي روحوا انتوا وبعدين الحقونا ‏
وبعد ما اتفقوا يتقابلون في صدى التحليه ‏راحوا الشباب وظل تركي ويزيد ‏
تركي : ادري انك جاي معي مو لسواد عيوني ‏
يزيد : هههههه وشوله الاتهام انا ما رح احاكيها
راحوا مع البنات من مكان لمكان دخلوا ‏البنات محل والاثنين ينتظرونهم برا ‏
شوي الا تجيهم بنتين متلثمات ‏
الاولى تكلم خويتها : يا حلوهم يا هند يهبلون
الثانيه : من جد يخقققون ممكن الرقم
تركي ويزيد يناظرون بعض مستغربين من وقاحه ‏البنات ‏
الاولى : ياحلو عطنا وجه نظرة بس ‏
في المحــل ‏
حلا : اييييييههههههئ
غرام : نعم وش هالشهقه وش فيك بلا ‏
حلا تاشر على عيال عمها : شووفي تريك وزويد ‏مع مين واقفين يغازلون عيني عينك ‏
جاات الجوري : وشو يزيد يغاازل لا غلطانه ‏
ولع : الا والله اااخ بس لو اني جريئه كاان ‏وريتهم
فهالوقت الثنتين يناظرون بعض ولع وحلا ‏ويضحكون ضحكه خبيثه ‏
جاات دلع : لا يكووون ‏
حلا تسحب ولع وتمشي : والله اسويها وانا بنت ‏ابوي ..‏
طلعوا من المحل وين ما واقفين العيال جات ‏حلا وتقدمت من عيال عمها قدام البنات ‏بهدووء يعني ناظروني انا هنا ووجهت كلامها ‏لتركي : اقول حياتي وش تسوي هنا ومن ‏هذولا ‏
ولع جات ومسكت يد اخوها : وانت حبيبي ‏وراك تحاكي الاشكال هذي ‏
اما البنتين تفشلوا وانقهروا ‏
الثانيه : بس كانوا يرقمونا لا اكثر ولا اقل ‏
حلا باحتقار : تقصدين العكس لانه لا يمكن ‏يسويها خطيبي وانا اعرفه عدل فــ يا انك ‏تنقلعين بكرامتك انتي وخويتك ولا الله يعز ‏الهيئه تجي تضفكم ...‏
الاولى بقوه عين : يعني تهددين ‏
ولع : ايه نهدد ضفي وجهك لا يجيك اللي ما ‏يرضيك ..‏
البنات ما استحملوا اكثر من كذا راحوا بسرعه ‏اما حلا وولع ضربوا ايدهم فبعض وضحكوا ‏بصوت عالي وهم رايحين حتى ما شافوا وش ‏ردة فعل العيال : شفتي وشلون وجهها انقلب ‏
ولع : احس انها سوتها على نفسها هههههه
حلا : مزدي فيهم والله حسيت اني قويه ‏
يزيد وتركي فووق راسهم اكبر علامه استفهام ...‏
تركي : والله انهن قوياات بنات عمي ما ‏توقعتهن يسوونها ‏
يزيد يضحك : ههههههه بس اعجبووني والله ‏كفوو
تركي : لا وخطيبي وعمري هههههه من جد ‏صدقت انا وجهي ‏
يزيد : هههههه هالثنائي المرجج الله يستر منهم
بعد التقضي والتمشي والتعشي << على الوزن ‏خخخخخـ ‏
‏ رجعوا البنات عند غرام للبيت لانهم ناووين ‏السهره صبااحي على ما يقولون اما العياال ‏فأكيد دشــره ودجــه ماوراهم مسؤوليات ‏

في بيت ابو عبد الرحمــن وتحديدا في ‏الملحق حق الحرريم قااايمه الدنيااا ‏

جايبين البنات استريو كبير واغاني على كيفكم ‏اللي تتفرج فيديو واللي ترقص واللي يسولفون ‏واللي تبلع يعني مره مسويين جو ‏
حلا حطت اغنيه سواها قلبي وقامت ترقص ‏البنات تحمسوا قاموا معها كل وحده رقصها ‏احلى من الثانيه ‏
ولـع بخباله : يالله على قلبي تنكسوا يا بناات ‏
غرام تصفق: ورا عاااشوا اتنكس بحبكم والله ‏
جات الجوري وطفته ‏
حلا بقهر : وجع ليه طفيتيه ‏
الجوري ولا تكلمت ببرود طلعت الشريط ‏ورمته على اختها اللي منقهره منها وحطت ‏اغنيه تامر حسني الله يباركلي فيك ورراحت ‏مسكت يد اختها وترقص معها بهدوووء ‏
البنااات سااكتين ويناظرونهم حلا تجاوبت مع ‏اختها لانها تعرفها لا سرحت لا يمكن تقول ‏كلمه وحده وكل وحده سرحت بعالمها ‏الخااص يووم وصل للمقطع سألت البي ‏بيحبك اد ايه وقلي البي دا حب جديد عليه ‏الجوري ناظرت في البنات وابتسمت : وش ‏فيكــم تناظروني حلا : اسئلي نفسك يالخبله ‏علبالس رومانسيه يعني بتنكبين عفشك

الجوري : خليهم يعرفون وش اسويلهم ‏
غرام راحت لهم : جواري حبيبتي وش فيك ‏
دلع : جوجو وراتس وجهتس قايلن كذا ‏
ولع برجتها المعهوده : ايييه تذكرتي حبيب ‏قلبتس يالله اعترفي من هوو ‏
ضحكت عليها الجوري : هههههههه اقولك وما ‏تعلمين ‏
ولع قربت لمها : سرررك في برركـه اقصد بيـر لا ‏البير صغير سرك في بحـر ‏
الجوري : هههههه قربي اذنك وقربت ولع ‏وهي تبتسم فجأه تلاشت ابتسامتها يوم عرفت ‏الجوري من تحب ‏
دلع : ها وش فيك انخطف لونك ‏
حلا تستخف : والله ما خطفته يمكنها غرام ‏
ولع فجأه : يا حمااااره ولا تعلميني اثررك ‏طايحتن في غرااامه وراحت تخمها وتضحك ‏
البنات زي الاطرش في الزفه ‏
والمهم علمتهم وتفاجئوا لانه موب باين عليهـــا ‏وعااد كل وحده علمت الثانيه بحبها طبعا محد ‏يحب الا الجوري ودلع اما الباقيين ماااا ‏عندهم سالفه يحبون مع الايام الله اعلــم ... ‏
ــــــــــــــــــــــــــــــــــــــــــــــــــ ــــــــــــــ
عبد الرحمن : وش رايكم عندنا خلونا نفلها ابي ‏استانس اليووم ‏
تركي : والله جابها ابو دحيم ‏
يزيد : اووكي ياللـه وش تحترون ‏
وشغلوا سياراتهم وراحوا بيت ابو عبد الرحمن ‏وللملحق ما يدرون ان البنات في الملحق ‏والبنات ما يدرون ان العيال بيجون ‏
دخلوا للملحق الرجاجيل وطبعا تعرفون ‏الشباب قهوه وشاهي وافلام و بلووت شي ‏اساسي ‏
عبد الرحمن يكلم تركي : ياا ولد قم جيبلنا شي ‏ناكله احس ابي اكل
تركي يناظره بنص عين : خير وش قلت يا عمي ‏عيد ما سمعتك زين ‏
يزيد : يقولك قم ضف وجهك جيبلنا شي تراني ‏جوعان مره ‏
طلال بابتسامه مصطنعه: قم يلا يا شاطر بلا دلع
تركي وهو قايم : بعد والله معطيهم وجه ‏ويتفلسفون ابقوم مو لسواد عيونكم ‏
راح للمطبـخ ويسمع صوت اخته قال اشوى ‏اخليها تسويلنا شي << نعنبو المصالح بص‏
دخل المطبـخ بسرعه : غروومه حبيبتي ‏
حلا وغرام ارتاعوا : يمـــــــه ‏
تركي يوم شاف حلا تفشل : سووري احسبتس ‏بلحالتس ‏
حلا يوم سمعته يتكلم بالسين ابتسمت : انا ‏وغراام وااحد وسع صدرك يا ولد العم ‏
تركي بابتسامه عريضه : ايوه كفو والله بنت العم
غرام : خير والحين وش تبي ‏
تركي يتميلح : والله عيال عمي جايعين ‏ويقولون لي خلي غرومه تصلح شي من يدينها ‏الحلوه
حلا وهي رايحه : داام فيها طبيخ اجل مع ‏السلامه غروومه ‏
‏ غرام تسحبها : لا يا حبيبتي انتي بتصلحين ‏معي ‏
تركي : اييه لازم تساعدينها ‏
حلا بنص عين ويدها على خصرها : وليش يا ‏عيوني اساعدها غروومه لا تطبخين وتتعبين ‏نفسك كثر الله من المطاعم يدقون ويطلبون ‏لهم ولنا بعد قال ايش يبينا نطبخ وهم يلهفونه ‏
غرام ضحكت عليها : هههههههههههههه جد والله ‏وهي الصادقه ‏
تركي : اووكي دام كذا انا اوريكم ابناديلكم ‏دحيم يتصرف ‏
غرام بخوف : لا ترووك امزح والله
حلا : رح ناده وش بيسوي يعني لا تخافين وانا ‏اختس ‏
رااح تركي شووي ورجع معه عبد الرحمن ‏
عبد الرحمن يوم شاف حلا استحى وبغا يطلع ‏
تركي يسحبه : هيــه انت على وين هنا المطبخ ‏
عبد الرحمن بصوت واطي : ياولد استح شف ‏ذا البنت مع اختك وتبيني ادخل ‏
تركي سطح من الضحك : ههههههههههههههههه ‏يالدلخ ذي بنت عمك حلا ‏
عبد الرحمن فقلبه بنت عمي بعد : حلا .. ‏ورجع سحبه تركي ودخلوا ‏
تركي : دحيم شوفهم اقولهم يصلحون لنا عشا ‏مو راضيين ‏
عبد الرحمن بخجل ويوجه كلامه لاخته : غراام ‏ورا ما تسوين ترانا جوعانين ‏
غرام عاد تستحي شوي من اخوها وما تقدر ‏تقوله لا ناظرت فحلا وحلا فهمت عليها ‏
حلا بلسانها الطويل : وليـش نطبـخ ان شاء الله ‏والشغالتين المتبطحات فوق وش مهنتهم ‏
تركي يبي يفشلها : على ما اظن انه قال غرام ‏موب حلا ‏
حلا بقوه عين : والله اللي يحاكي غرام ‏يحاكيني وهو قدامي ما عنده لسان يسكتني ‏
عبد الرحمن ماسك ضحكته : اقوول ورا ما ‏تسكتين انا احاكي اختي ‏
تركي يمد لسانه لهـا ‏
اما حلا انقهرت ولسانها يقرصها تناظر في غرام ‏اللي كاتمه ضحكتها : انا لو ابي اسكت ما ‏سكت عشانك ولا عشان البعير اللي واقف وراك ‏انا بسكت لاني ما فيني احرق اعصابي على ‏الفاضي ‏
تركي : انا بعير ياللي ما تستحين ‏
حلا: ما قلــت شي انت اللي قلتا على نفسك انا ‏قلت اللي واقف وراك ما قلت ترريك ‏
تركي: لا بالله اقوول ورا ما تضفيــن عند البنات ‏بدل هالفلسفه اللي مالهـأ داعي ‏
ناظرته حلا بنظره تهديد وطلعت من المطبــخ ‏وهي مقهوورة ومعصبه ‏
غرام اخيرا اطلقت العنان لضحكتها : ‏هههههههههههههههههههههههههههه الله يرجها ‏ويرجكم معها هههههههههههه اجل انت بعير ‏وانت يا عبد الرحمن جنيت على نفسك تسكت ‏حلا والحين زعلت عااد زعلها يا شينـه وعلى ‏فكره هي صادقه كثر الله من المطاعم والله ‏اني ما تعبت نفسي وطبخت وطلعت ركض من ‏المطبخ ....‏
عبد الرحمن يناظر تركي ‏
تركي : شفت شلون عادت اختـي تقولي بعير انا ‏وش ملحي اطلع بعير

عبد الرحمن : ههههههههههه سكتتني والله بنت ‏ابووها طلعوا للملحق وهم يسولفوون عنها ‏
اما فملحق البنات ‏
ولع : ههههههههههههههههههه والله تعجبيني ‏
دلع : من جد مزديه ههههههههههههههه
غرام : بس لو تشوفين اشكالهم مساكين صدقو ا ‏
الجور : عااد بتعلميني حلاو في التمثيل ‏توووب ‏
حلا : ها ها احسن والله بوريهم من حلا ( وكنها ‏تذكرت ) : الا صـح بيجي سعوودي هو قالك
الجوري : مدري عنــه يقول تعبان يمكــن ما ‏اجي ... ‏
دلــع بحزن : ياربيييه مارح اشوفه ‏
ولع تقلدها : ايييه مارح تشوفينـه ياقلبي ‏ناظرتها دلع بحقـد ..‏
حلا بتفكير : اقوول شلون الاوضااع عند العياال ‏
غرام : والله مدري ابروح اشوف ونطت راحت ‏لمحلق الرجاجيل تشوف ‏
ولع : وش نسـوي يعني ‏
حلا : امممم وش نســوي اييه لحظه بس ‏وقامت طيااره تلحق غرام ‏
شافت غرام واقفه عند باب الملحق تطل وجات ‏ومن وراها : بوووووووووو ‏
غرام صرخت : يمــــــــــهـ
وراحوا ركض هي وياها عشان العيال اكيد ‏بيطلعون تركي طلع معصب وراح يطق على ‏البنات فتحت حلا وهي متسنده على الباب ‏وحاطه يد على خصرها وخصلات شعرها متناثره ‏بشكل فوضوي نعوم مع بيجامتها الزهر الحرير ‏وشبشبها اللي كله ريش طااالعه تخقق من قلب ‏وقف تركي مفهي وراحت العصبيه
حلا ببرود : نعـم وش تبي ‏
تركي: مين اللي كانت تصارخ عندنا ‏
حلا : اولا موب عندكم صارخت في الحوش ‏خير وش بتسوي يعني ‏
تركي بعصبيه مصطنعه : تعرفين ان فيه عيال ‏جوا وانتي كذا تراهم سمعوا صوتك ‏
حلا بطريقه تنرفز تناظر اظافرها: ايه وبعدين ‏
تركي انقهر من حركتها وجا بيروح : انتي محد ‏بيكسر خشمك غيري وبتشوفين‏
حلا : لا يا شيخ خوفتني روح الله يعافيك بس ‏وسكرت الباب بقوه لقت البنات يناظرونها : خير ‏وش فيكم ...؟؟
ولع : والحين وش بتسوين ‏
حلا : خلاص خربت الخطه تهاوشت مع ذا ‏العله كنت ابيهم يرقصون ونحكم على رقصهم ‏بس حسافه << قضت الالعــاب هع‏
دلع : الله من زين الالعاب اللي زي خشتك ‏الحين كذا تقضين على الطفش
حلا: اجل اذا وافقوا لا تناظرين روحي ‏اخمدي ‏
غرام : بـس لعبــه الصراحه واللـه احسن على ‏الاقل نحجر عليهم بالاسئلـه
ولع : والله انك فااضيه من جد
دلع : غروومه لعبه الصراحه نخليها مره ثانيه ‏يكون الكل موجوود << ماتقصد سعوود خخخـ‏
الجوري : لا ابي اشووف رقص يزيد تكفوون ‏حلا خربتي عليناا وجع
غرام : لا ما خربت انا بكلم ترووك وبتفاهم ‏وراحت تدق ‏
حلا : حطي سبيكــر تكفين ‏
طوووط طووووط والبنات متجمعين حوالينها ‏
تركي : هلا غرومتي وش بغيتي ‏
غرام تبتسم ياحبني له بس : ترووكي ممكن ‏اطلب طلب
تركي : انتي تامرين وش تبين ‏
غرام : امممم ترووكي يعني حنا ودنا يعني اذا ‏ودكم حنا ودنا ‏
تركي بطفش : غرووم تكلمي زيــن وش ودنا ‏وودكم ‏
غرام : ترووك ودنا نشوفكم وانتوا ترقصون وحنا ‏نحكم عليكم ....‏
تركي : لا واللـــه .. غرام : بليــز كيكي << ‏تدلعه يعنــي ..‏
تركي : اووكي ابشوف العيال بس اهم شي ‏بنت عمك ذا السحليه ما ابي اشوفها وربي ‏لسانها متبري منها ‏
حلا عصبت بس مسكت نفسها ‏
غرام : حراام عليك والله انها حبيبه ‏
تركي: ايه هين المهم انا بقول للعيال وبدق ‏وسكر عنهــا ..‏
حلا : ااااخ اقولكم مغرور ما صدقتوني مالت ‏عليه جد هذا اللي بتاخذه وحده منحوووسه ‏
شوي ودق وقالهم يالله جهزوا الاسترويو برا ‏وضبطوا الوضع ونادونا ‏
البنات ما صدقوا حطوا كل شي وطبعا اغاني ‏طق احم يا موضي والا فـلا خخخخـ
وجوا العيال الحووش والبنات يناظرونهم من ‏شباك الملحق ومسكرين النور تركي حط اغنيه ‏هذا اللي شايف نفسه ‏
مطلعها يقول : ‏
هذا اللي شايف نفسه ماشي ولا معبرني يتلفت ‏هنا وهناك ولا كنه شايفني ‏
والله انا لاوريكم فيه والله انا لا ما اخليه ‏
تركي والشباب تلطموا بالشمغ حقتهم وهااك ‏يارقص ‏
طبعا تركي ويزيد رقصهم تووب تووب يعني ‏رقص خليجي على اصوله طبعا عبد الرحمن ما ‏رقص ولا محمد يقالهم مستحيــن
والبناات خاافقين من جد الجوري تناظر يزيد ‏وحلا تناظر تركي وطلال ‏
من جد العيال رقصهم حلوو بمعني الكلمه ‏
حلا رجتها منعتها من السكوت كذا فتحت ‏الدريشــه :ياللـه تنكــس تنكـــس يابو تريك ‏
تركي يوم شافها تشجعه استانس ونسى اللي ‏صار قبل شووي وقام يطلع مهارات زياده مسك ‏طرف ثوبه وقعد يهز من جد خقق البنات ولع ‏قامت فتحت انوار ملحقهم وانتبهولهم الشباب ‏قامت هي وحلا يرقصون والبنات يصفقون ‏
محمد : أيـــه يا بنــات العـم هذا الرقص على ‏اصووله
تركي خق هو بعد والعيال يناظرن حلا وولع ‏بس ما وقفوا رقص ‏
حلا تسحب الجوري والجوري مستحيه من ‏يزيد ‏
حلا : ارقصي يالخبله عشان يخق طبعا عيو ‏البنات يرقصون قدام العيال حتى لو هم كبـار ‏بعكس حلا وولع اللي يعتبرون تو صغـاار يعني ‏‏.. حلا راحت تلثمت وطلعت حلووة من قلب ‏وترقص كانت تقريبا رقصهـا خطيير ‏
تركي يردها لهـا : ايوووه حلوو تنكـسي عطه ‏عطه عطه انتي كيذاا ‏
ويزيد يشجــع : ايووه يالله يا بناات وش هالحياا ‏قومووا ‏
فلوها ولع وحلا اما البنات اكتفوا بالتشجيــع عن ‏بعـد هههههه ‏
مر اليووووم حلوو على الجميع ومرهق طبعا ‏ومن بكرا كلن راح بيته ‏
‏ ‏
ملاحظة : طبعا انتوا بتقولون ان البنات مره ‏فرري عند العيال والمفروض ما يكونون كذا ‏بـس بعض الامور اقيسها على حياتي يعني ‏بعضهـا مقتبس من الواقــع .. ‏
ــــــــــــــــــــــــــــــ
هبطت الطائره معلنه عن وصولها الى مطار ‏الملك خالد الدولي بالرياض ومعلنه عن مصير ‏اخـر لم يتحدد بعد ووصوله لبيت ابو سعود ‏تحديدا ......‏

• عبــد الرحمــن وش قصتــه ؟؟ ووش تأثير ‏اللي صارله مع دلـع عليــه ؟
• وحلا وتركي وش حكايتهم ؟
• من اللي وصـل لهم ؟ وش تأثيره على ‏حياتهم ؟

كلــه بتعرفــونه في البــارت الجــاي ان شاء اللـــه ...

الجزء الخــامس

في بيت ام سعـود طلع سعود من غرفته مسرع ‏نزل الصاله ‏
ام سعود : وش فيك يا وليدي عسى ما شر ‏
سعود : خير ان شاء الله خير ‏
الجوري خافت : سعود وش السالفه ‏
سعود تنهد وقالهم : وصل يا يمه وصل ‏
ام سعود يدها على قلبها : منهو يا سعود ‏
سعود : وليـد ولد خالتي في المطار ‏
الجوري سكتت و ام سعود وقفت من الصدمه ‏‏: وش اللي جابه وش يبي فينا
سعود مستعجل : تعرفين ان ماله احد غيرنا ‏وهو بيستقر عندنا ‏
ام سعود : وبناتي وين احطهن شلون بيسكن ‏عندنا وعمانه وينهم
سعود وهو طالع : بعدين نتفاهم بروح اجيبه ‏يمه وطلع سعود وتركهم في حيرتهم وذهولهم ‏ومخاوفهم
الجوري قامت تهدي امها : يمه هدي ‏اعصابك ان شاء الله انه تغير ‏
ام سعود : ياخوفي للاسوأ والله اني خايفه ‏عليكم بالذات حلا ‏
الجوري تسحب امها : لا تخافين روحي ‏ارتاحي الحين وانا بكلم حلا ‏
طلعت ام سعود غرفتها وراحت الجوري لعند ‏اختها .... في الغرفــــه
الجوري : حلا دريتي من بيجي اليوم ‏
حلا بغير اهتمام : من يعني وزير الداخليه مثلا
الجوري : وليد ولد خالتي ‏
حلا لفت عليها بسرعه : قولي انك تكذبين ‏وش يجيبه عندنا ومتى بيروح تدرين انه راعي ‏مشاكل ‏
الجوري : تخيلي يا حلا بيجي يسكن عندنا ‏بعــد تدرين بعد ماله احد غيرنا‏
حلا تهز راسها : الله يكفينا شره بـس ‏

ــــــــــــــــــــــــــــــــــــــــــ ‏

امــا في المطــاار طلع وليد يتلفت يدور على ‏ولد خالته نبذه عن وليد ‏
وليد الشخصيه الجديده والمفاجئه في القصه ‏ولد خالتهم والسبب الرئيسي في الخلافات ‏اللي كانت تحصل بين امه وخالته واخر شي ‏الحادث اللي صار لابوه كان هو السبب فيه ‏طلع ابوه من البيت مسرع يوم درى انه في ‏السجن مسكوه بتهمه السرقه هو وشلته وصارله ‏حادث وبعدها بشهر توفيت امه متأثره بوفاه ‏زوجها وكان يومها عمره 18 سنه وما بقاله غير ‏خالته الوحيده بعد ما انكروه عمانه وطلب ‏يكمل دراسته برا وفعلا خالته اللي هي ام ‏سعود ما خالفت منها ينكفون شــره و لعل ‏وعسى يتغير هو الحين عمره 24 سنه كان ‏يدرس في امريكا تخصص اداره اعمال ياترى ‏هل فلح في دراسته ولا لأ ...؟
‏ ‏

‏ سعود على اعصابه بيشوف هل تغير وليد ولا ‏زي ما هو طلع وليد وهو يتلفت يدور على ‏سعود بين الاف الاشخاص ولمح وااحد ملامحه ‏ما تغيرت من يوم هو صغير راح له بابتسامه ‏
سعود بادله الابتسامه : يا هلا والله بولد الخاله ‏يا حيا الله من جانا ‏
وليد يواجهه : يا هلا بك سعود الله يحيك ‏وشلونك وشلون خالتي ‏
سعود : والله بخير الحمد لله وانت طمنا عنك ‏شلو ن الغربه
وليد : والله الغربه صعبه خصوصا ان مافيه احد ‏معك يالله عدت على خير ‏
سعود : ايه والله الحمد لله وراحوا لسياره سعود ‏متجهين للبيت ‏
وليد : يالله والله الرياض تغيرت كثير ‏
سعود : اكيد ما فيه شي يبقى حتى الناس تغيروا ‏
وليد فهم انه ينغزه في الحكي : وانت تغيرت ..؟
سعود : سعود طول عمره نفس ما هو ما يغيره ‏الزمان ‏

ــــــــــــــــــــــــــــــــــــــــــــــــــ ــــ
في بيت ابو يزيد في غرفه ولع بالتحديد
ولع : نصاابه بيجيكم ياربيه منه وش يبي ذا ‏
حلا : اااخ بس يا خوفي جاي بمشاكله منب ‏ناقصين يكفي بيت عمي بعد يجي هو ‏
ولع : من جد الله يعين بس ‏
دلع تتدخل: من بيجي وش السالفه ‏
ولع قالتلها بيجي ولد خالتهم ‏
دلع : وجع الله يغثه ‏
حلا : يالله ولع سعود شكله وصل محمل ‏بالمصايب ‏
ولع : الله يقويك وتكسرين خشمه ههههههه
حلا : ههههههههه الله يخسك يالله باي ‏
وسكــرت منــها وراحت تطل مع الدرج ‏

تحت في الصاله سعود : حيااك حياااك اقلط يا ‏اخوي البيت بيتك انورت الرياض‏
وليد : الله يسلمــك ودخله الصاله شوي نزلت ‏ام سعود وتحاول تخلي نفسها طبيعيه ‏
ام سعود : يا حيا الله ولدي وليد ‏
وقف لها وليد احترام: يا هلا خالتي وتواجهوا ‏وسلموا على بعض وطبعا اسئله على كيفكم ‏وللحين ما لاحظوا عليه شي كان طبيعي ‏وهادي ومبتسم خافوا لا يكون يمثل عليهم ‏عشان توه واصل ‏
ام سعود : سعود رح ناد خواتك خلهم يسلمون ‏على ولد خالتك ‏
سعـود قام : ان شاء الله يمـع ‏
حلا من سمعت كذا طارت للجوري : جوواري ‏بننزل نسلم لا ما ابي ما ابي ‏
الجوري بهدووء : اوكي يالله انا جايه ‏
حلا تناظرها : وش يالله تبينه الحين يحطني ‏فمشكله ‏
الجوري : والله انتي اللي مكبره السالفه الولد ‏كبر اول كان بزر ننزل ونعين من الله خير ‏
حلا باستسلام : اوكي ابنزل بس ان طول لسانه ‏والله لا اوريه .... جاهم سعود وناداهم بعد ‏مالبسوا شي مناسب نزلت الجوري ووراها حلا ‏
الجوري : السلام عليكم ‏
وليد يوم شافها وقف : يا هلا وعليكم السلام ‏
حلا بدون نفس : ســـلا111م ‏
وليـد : وعليكم السلام يا هلا ببنات خالتي ‏
الجوري جلست جنب امها : هلا وليد شلونك ‏وش اخبارك ‏
وليد وعينه على حلا : بخير بشوفتكم انتوا ‏وشلونكم ‏
حلا : هذانا عايشين الحمد لله وجلست جنب ‏سعود ‏
وليد : ما شاء الله عليكم كبرتوا اخبركم يوم ‏توكم صغار ..‏
حلا بغرور وااضح : مافيه شي يقعد على حـاله ‏
ام سعود تصرف : حلا قومي جيبي القهوه ولا ‏تغثين ولد خالتس ‏
قاامت حلا وهي تناظره باحتقار : ان شاء الله ‏يمه ‏
تقهوا وسولفوا شوي واستأذت ام سعود بتروح ‏ترتاح فغرفتها والجوري وحلا راحوا للمطبخ ‏‏<< يحشوون ‏
سعود : يالله يا وليد اوريك غرفتك وخذ راحتك ‏وانا اخوك البيت بيتك ومعليش لا تشره على ‏تصرفات حلا تراها كذا مع الكل ‏
وليد يبتسم : هههههههه بتعلمني فيها اخبرها ‏كذا من يومها صغيره خليني اريح هنا شوي ‏وانت اللي خذ راحتك كان تبي تطلع ولا شي ‏ما عليك مني والله تراني بيتوتي ‏
سعوود : دام كذا انا بطلع غرفتي كانك تبي ‏تجي عندي تعاال وفيه غرفه جنب غرفتي كان ‏ما عرفتها قول للبنات عشان يخلون الخدم ‏يطلعون عفشك ‏
وليد : ولا يهمك رح ارتاح بس ‏
طلع سعود وجلس وليد في الصاله يتقهوى ‏بروحه من زماان ما شرب قهوه اشتاقلها واشتاق ‏لعيشته زمااان ‏
شوي يجونه بنات خالته بيطلعون فووق ‏
وليـد يكلمهم : وين رايحين اقعدوا معي شوي ‏اذا ودكم يعني ‏
الجوري استحت وسحبت اختها وجلسوا ‏
وليـد : كيفكم بنات وكيف الدراسه معكم ‏
الجوري : والله الحمد لله ماشيين انت كيف ‏الغربه معك ‏
وليـد يضحك : والله ذا الغربه جابتلي الهم ما ‏صدقت اني جيت هنا الله لا يعودها من ايام ‏
الجوري تجاريه : ههههههههههه ايه والله الغربه ‏اذا ما معك احد صعبه .. ‏
التفت وليد على حلا اللي كانت تطقطق في ‏التلفزيون بغير اهتمام : وانتي يا حلا في أي ‏صف ‏
حلا بدون لا تناظره : كم تعطيني ..؟
وليـد : اممممم يمكن اولى او ثاني ثانوي صح
حلا ناظرته بقهر ولفت على اختها اللي ضحكت ‏الجــوري :ههههههه لا انا وحلا ثانويه عامه ‏
وليد بانبهار : ماشاء الله عليكم الله يوفقكم يا ‏مسرع الايام ووش ناوين تدخلون بعد التخرج ‏
حلا :خلنا نتخرج بعدين يصير خير وقاامت يالله ‏انا استئذن ‏
وليد : وين تو الناس ما شبعنا ‏
حلا بابتسامه مالها داعي : وراي مذاكره عن ‏اذنك ... طلعت وخلت اختها مسيكينه متوهقه ‏
الجوري فقلبها الله يقلعك يا حلا انا اوريك : ‏يالله وليد انا بعد بروح اذاكر كان تبي شي ‏المطبخ عندك وغرفتك فوق جنب غرفه اخوي ‏والبيت بيتك وطلعت مسررعه ‏
اما وليد جلس يفكر ماشاء الله عليهم بنات ‏خالتي كل وحده احلى من الثانيه بس حلا ‏مرره تهبل وشخصيتيها قويه وما يهمها احد ‏ولسانها متبري منها ...‏

ـــــــــــــــــــــــــــــــــــــــــــــــ
‏ ‏
في بيت ابو محمد ‏
ام محمد بعصبيه : انت وش تقول بالله هالكلام ‏يدخل العقل قول كلام معقول
ابو محمد : هذا اللي صار وانا مضطر اسافر ‏ومدري متى ابرجع ‏
ام محمد وهي تقوم: سو اللي تبي اذا بتتزوج ‏قولها بس لا تقعد تلف وتدور علي
ابو محمد بعصبيه :صدق ناقصات عقل ودين ‏يالله اذلفي بـس وطلع للشارع‏
في ظل هالهواش العيال والبنات ما فتحوا ‏فمهم بكلمه فقط متفرجين ويناظرون بعض ‏
سرور بأسى: لا حول الله اذا ما تهاوشوا ما ‏يرتاحون ‏
غرور بغير اهتمام :‏take it easy ‎‏ يسوون اللي ‏يبونه
طلال بهدوء يكلم خواته : تصدقون عاد اتمنى ‏على طول اجلس مع عيال عمي ولا اجي هنا ‏ويصدع راسي على الفاضي ‏
غرور : يععع مالقيت الا عيال عمك المعقدين ‏ويييه مالت عليهم بس‏
محمد : اقوول انطمي انتي لو تجلسين مع ‏بنات عمك تتعلمين منهم السنع بعدين تكلمي ‏
سرور : ايه والله انهم سنعات ويوسعون الصدر ‏بعد ..‏
غرور : ايه والله انهم لعبوا فعقولكم وبعدين انا ‏سنعه من قبل لا اعرفهم فلا تطول لسانك لو ‏سمحت ..‏
طلال قام : مافيه فايده منك ابد وشوي لحقه ‏محمد ‏
سرور تناظر فاختها ...‏
غرور : خير انتي بعد وش تبين ‏
سرور تجلس جنب اختها بهدوء : غروورتي ‏وراك انتي كذا .؟
غرور : شوفي بتقعدين تتفلسفين علينا منيب ‏فاضيه بشوف المسلسل ‏
قاامت سرور بقله حيله اختها ابد ما تتغير ‏

ــــــــــــــــــــــــــــــــــــــــــــــــــ ــــــ

حلا بغير العاده : وينها غرام لو سمحت عطنيها
تركي مستغرب : ميـن حلا ‏
حلا : ايه انا حلا ابي غرام ضروري
تركي : غررريبه وش هالهدوء اللي ناازل عليك
حللا بطفش : تركي لو سمحت والله ابيها ‏ضروري ما امزح
قام تركي ينادي غرام وهو مستغرب من بنت ‏عمه اللي ما ترتاح الا اذا تطاقت معه وش فيها ‏اليووم غررريبه ‏

غراام وحلا سولفوا وقالتها حلا عن ولد خالتها ‏اللي ما ارتاحت لنظراته لهاا وفي وسط حديثهم ‏
حلا : غروم ابقولك شي ‏
غرام : امرري تدللي خير وش تبين ‏
حلا : غروومه احس بتعب وخمول مو طبيعي ‏جسمي كله يوجعني وصدااع فضيــع
غرام تهديها: لا تخافين ان شاء الله ما فيك الا ‏العافيه خذيلك حبتين بندول وارتاحي وانتي ‏بخير
حلا مو مطنمه : ان شااء الله مع ان الصداع ‏صارله فتره معي يالله اجل ما اطول عليك ( ‏وتضحك ) هههههههه ادري تركي مستغرب مني ‏ما هاوشته حتى انا متحسفه بس يالله مره ثانيه ‏
غرام : هههههههه ايه والله جاني وهو مو ‏مستوعب يقول حلا التسذبيه تبيك ‏
حلا :هههههه سلميلي عليه ‏
غرام : يووصل يالله باي حلا : مع السلامه ‏وسكرواا

ــــــــــــــــــــــــــــــــــــــــــــــ
بعــد مرور شهر والاحداث كما هي ومع قرب ‏الاختبارات النهايئه والدراسه والجهد اللي ‏بذلوه البنا ت بوصفلكم كل شخصيه وحالتها ‏
بيت ابو يزيــد ‏
دلـع شااده حيلها تبي تجيب نسبه عشان ترفع ‏راس اهلها وكذلك ولــع مقطعين نفسهم في ‏المذاكره
ام يزيد : زيااد ووجعه قووم ذااكر وراك ‏اختبارات
زياد يلعب اكس بوكس : يمــه توني صغير يعني ‏لو اسقط عاادي ما يأثر ‏
تقوم ام يزيد بالخيزرانه : توك صغير تبي ترسب ‏تعال اووريك تعاال ‏
ويقوم زياد وينحاش : خلااص يمه والله تووبه ‏ابرووح اذاكر ويرقا الدرج بسرعه لغرفته وامه ‏تهاوش تحت عليه ....‏
على دخله يزيد : هلا بالغاليه وراك معصبه
ام يزيد تجلس : هو اخوك يخلي في الواحد ‏عقل ‏
يزيد يضحك : ههههههه ما عليك منه اخررته ‏الاول كالعاده ماشاء الله عليه ما عليه خووف ‏
ام يزيد : اييه بس زياده حرص الا قولي وش ‏سوويت ‏
يزيد باحباط : ماالقيت خلاص يمه انا تعبت من ‏مكان لمكان ادور وظيفه والله مليت يمه وكلهم ‏يبون شهادات فووق فووق وانتي تعرفين ما ‏عندي غير الثانويه وتخب علي ‏
ام يزيد : لا تيأس من رحمه ربك انا متفائله ان ‏شاء الله بتلقى وبتتوظف ونزوجك بنت الحلال ‏بعد ‏
يزيد يبتسم وطرت على باله الجوري : ان شاء ‏الله يالله يمه ابروح ارتاح والتفت عليـها : يمــه
ام يزيد : هــلا يزيد ‏
يزيد : يمــه ما تلاحظين ان جدي وجدتي من ‏زماان عنهم على يوم الاستراحه ما شفناهم
ام يزيد : بلاك يا وليدي ما تقر في البيت ابوك ‏وانا نروحلهم كل فتره حتى عمانك بعد بـس ‏هم يبون يشوفونكم انتم ان شاء الله احاكي ‏خالاتك ونروحلهم يووم
يزيد : اييه والله ياليت من جد وحشووني يالله ‏يمــــه ابرووح ارتااح وطلــــع

راح يزيد وظلت ام يزيد في الصاله تحتري ‏زوجها ..‏

ــــــــــــــــــــــــــــــــــــــــ

اما في بيت ام سعــــــــود ...‏
سعوود رجع لدوامه في سابك كان ماخذ اجازة ‏والحين رجع وام سعوود على حالها والبنات ‏شادين حيلهم في غرفه حلا ‏
حلا تكلم نفسها والكتاب قدامها: يالله ربيييه ‏وش ذاالحاله مسائل مسائل الحين كننا بنطلع ‏عالمات ولا مخترعات وجع صعبه ذا المسئله ‏وتمسك راسها : وهذا الالم اللي معيي يخف ‏اااه يا رااسي وتنسدح على السرير شوي ‏تدخل عليها الجوري: حلا حبيبتي ذاكرتي ‏
حلا على نفس وضعيتها : اييه بس هالمسئله ما ‏عرفتلها تعالي اشرحي اذا فاضيه ‏
دخلت الجوري وسكرت الباب : حلوو وش ‏فيك راسك مصدع ..؟
حلا : ايه يالجوري احس معد اقدر اجمع ‏معلومات ‏
الجوري حست بأختها وراحت تمسح على ‏شعرها : ارتاحي حبيبتي المذاكره ميب طايره ‏اهم شي صحتك شووي ونامت حلا .. ‏الجوري شالت كتبها وحطتها على المكتبه ‏وغطت اختها وطفت اللمبه وقصرت على ‏المكيف وخلتها ترتاح مسيكينه من الصباح ‏وهي مرهقه نفسها طلعت الجوري بتروح لغرفتها ‏
‏......... : الجوري ‏
لفت الجوري عليه : هلا وليد وش بغيت ‏
وليد يقرب لمها : الجوري وش فيها حلا تعبانه ‏شي ..؟؟
الجوري : شوي ارهاق تعرفها مرهقه نفسها من ‏الصبح وهي ماسكه الكتاب تعبت شوي ونامت ‏
وليد : ايه طيب سلامتها ما تشوف شر ‏
الجوري مستغربه : الشر ما يجيك وجات بتروح ‏
وليد : طيب الجوري .. لفت عليه : هلا ‏
وليد يبتسم : معليش ادري اني طفشتك بس انا ‏طفشان وتعرفين الرياض منيب ادلها عدل ‏اخاف اطلع واضيع وش رايك تنزلين نسولف ‏شوي ‏
الجوري كسر خاطرها ولد خالتها ابتسمت : ‏اووكي ولا يهمك بس اخر مسأله وانا لاحقتك
وليد فرح : شكرا يا بنت خالتي وراح لغرفته
الجوري ضحكت وراحت غرفتها ‏

ــــــــــــــــــــــــــــــــــــــ

اما في بيت ابو محمد بعد ما سافر ابو محمد ‏في رحله شغل زي ما يقوول ويمكن يطول في ‏سفرته وام محمد في طلعاتها وعزايمها ومهمله ‏عياالها ‏
سرور في غرفتها تذاكر وحاطه اغنيه كلاسيكيه ‏هااديه << نفسي اعرف وشلون تذاكر في ‏صوت عندها خخخخخــ
اما غرفه غرور : يا عمري انت هذاهو الكتاب ‏قدامي اذاكر << قدامها اللاب تووب ‏
سعد : اييه هذي غرورتي اللي اعرفها ابي نسبه ‏ترفع الرااس ‏
غرور بدلع : سعوودي انت تعرفني ابشد حيلي ‏
سعد ( اييه اشوى انها 60 وتخب عليك ) : ايه ‏اعرفك اكييد دافووره ‏
غرور تضحك : ههههههه لا عاد مو لهادرجه
سعد ( صدقت ) : المهم حبيبتي شدي حيلك ‏عشان اجيب اهلى ونخطبك تعرفين ما اصبر ‏عنك ‏
غرور تشققت من الوناسه : والله جد
سعد ( لا عم ) : وقد مره قلت شي وكذبت فيه
غرور استحت : لا ما قلت يالله سعد انا استئذن ‏الحين ابذاكر ‏
سعد : اوكي حياتي انتبهي لنفسك ‏
غرور : وانت بعدي يالله باي ... وسكرت وهي ‏طاايره من الوناسه اخيرا يا سعد بتخطبني ااااه ‏والله احبك موووت ‏
اما محمد بعد ما قعد فتره بدوون شغل قرر انه ‏يشتغل الحين بدعم من عياال عمه وعمانه لانه ‏دارس طب يستفيد من خبرته في هالمجال ‏ولا ابوه وامه موب داريين عنه ولقى وظيفه في ‏مستشفى اهلــي بما انه دكتوور يعني ... ‏
اما طلال فنفس حاله يزيد يدورله على وظيفه
ـــــــــــــــــــــــــــــــــــــــــــ
‏ ‏
‏ في بيت ابوو عبد الرحمن ‏
غراام ما تطلع من غرفتها الا وقت الاكل ولا ‏غيره ما تطلع و عبد الرحمن رجع للشرقيه ‏بحكم شغله وترركي صاار ما يطلع الا ناادرا ‏عااطل ما عنده شي ‏
ام عبد الرحمن تناظر ولدها وهو يناظر ‏التلفزيون وياكل : وانت بعدين معك لين متى ‏بتظل كذا شووف كرشك بدت تربى
تركي : يمه وش اسوي عاد ما لقيت شغل وين ‏تبيني اروح محد فاضي لي
ام عبد الرحمن : لا بالله وانت على ذا الحاله ‏تحسب ان في احد بيقبل تتزوج بنته قووم ‏تلحلح شوفلك شغل لو فمطعم ‏
تركي انقهر : اصلا من قالك اني ابي اعرس ‏هذا اولا وثانيا تبيني انا تركي بن ... قاطعته
ام عبد الرحمن قاطعته : والله ان تشتغل لو ‏سباك اهم شي وظيفه بعد طرار ويتشرك
تركي : يمه وش تبين الناس يقولون عنك ‏ولدها يشتغل في مطعم ‏
ام عبد الرحمن : وانت وش عليك بكلام الناس ‏دام انت مقتنع وفلوسك في جيبك ومعتمد ‏على نفسك خلااص وش يهمك كلام الناس ‏
تركي : ان شاء الله يمه ابلقى وظيفه بس ‏اصبري علي انتي ‏
ام عبد الرحمن : هذانا صاابرين ولا شفنا شي ‏وقامت غرفتها مخليه تركي في حيره ويفكر ‏فكلامها ‏
تركي يكلم نفسه : الحين ورا ما اتلحلح على ‏قوله امي وادورلي وظيفه تسنعني بدل قعدتي ‏كذا كني حرمه وابووي بزنس ماان ولا درى ‏عني اييه والله وقاام لتلفوون الثابت ترررن ‏ترررن تررررن
ناصر : مكتب الاستاذ احمد بن عبد العزيز ‏لندن السلام عليكم ‏
تركي :يعني لاازم هالاسطوانه المعتاده عطني ‏ابووي نووصير
ناصر : هلاا والله بالشيخ تركي ‏
تركي بطفش : اهلين وينه فيه ابوي ‏
ناصر : والله الحين عنده اجتماع مهم اذا ‏خلص اقوله انك اتصلت ‏
تركي : يالله مع ذا الاجتماعات اللي ما تقضى ‏وانت وش قاعد تسوي طيب ‏
ناصر : يالشيخ تركي اسمحلي انت واحد فاضي ‏الحين لو يشوفني الوالد وانا اكلم عز الله ‏فنشني ‏
تركي يضحك : ههههههه وهذا اللي ابيه ‏
ناصر : النذااله الله يكفينا شرها يالله يا اخ مع ‏السلامـــه .. ‏
تركي : افا تسكر فوجه الشيخ تركي ما هقيتها ‏منك يا نااصر ‏
ناصر بطفش : يا تركي والله مشغوول ‏
تركي رحمه : اووكي يالله ولاتنسى تكلم الوالد ‏
ناصر : يووصل ان شاء الله يالله في امان الله ‏
تركي : مع السلامه ‏
نطتله غرور : بتعمل ايه هنا وكنت بتكلم مين ‏وقاعد في البيت ليه و ..‏
تركي : اقوول غريم طسي روحي ذاكري منيب ‏فاضيلك
غرام : منتب فاضي هذاك قاعد وش مشغول فيه ‏
تركي : حبيبتي انتي فكيني منك ‏
غرام : طيب بس انا ما مسكتك علشان افكك
ترركي عصب : غراااام لو سمحتي ‏
قامت غراام وغيرت القناه حطت غنوة ومن ‏حسن حظها كانوا جايبين اغنيه اه من صبر ‏طوويل وهي طق وقامت ترقص وتغني ‏
تركي يناظر فيها : الحين صدق اختي انهبلت ‏عشان ثالث ويصارخ عليها الله يشافيك حطي ‏المسلسل انا متابعه ‏
غرام طفشت منه وراحت تكلم حلا دقت على ‏جوالها ماا ترد دقت على تلفوون البيت تررن ‏ترررن ترررن
‏...... الــو ‏
غرام (من ذا) : هذا مو بيت سعود بن حمد ‏
وليد : الا هو اختي بغيتي شي ‏
غرام : اييه بغيت حلا وينها فيه ‏
وليد : والله يا اختي حلا تعبانه ونايمه اذا قامت ‏خليتها تكلم ‏
غرام ( بعد خليتها ) : ليش ومن حضرتك عشان ‏تخليها تكلمني ‏
وليد استغرب : اقصد يعني قلتلها تكلمك انا ‏ولد خالتها ‏
غرام بقررف : وليد ما غيره اجل يالله بااي ‏وسكرت فووجهه ‏
اما وليــد حزن من اسلوبها يوم عرفته وعرف انه ‏حط فحياته نقطه سوده الكل يشوفها مع انه ‏يشوف نفســه تغير بس للحين المعامله ما تغيرت ‏معه خصوصا من حلا والحين هذي والله يستر ‏من الجااي ...‏

الجزء الســـادس

بتبدأ اختبارات الثانويه العاامه وبدأ الخووف ‏والقلق يلف على البناات من بكرا عندهم ‏اختبار رياضيات وزااره وكلهم خاايفين وشايلين ‏هم ...‏
ولـع ودموعها تنزل : يمـه والله ما رح احل يمه ‏هذي وزااره ميب لعبه ‏
ام يزيد تخفف عليها : لا تشيلين هم يا بنيتي ‏تراه اختبا ر دنيا وان شاء الله بتنجوون
زياد يتطنز : تبكين عشان اختبار ههههه انا علي ‏بكرا اختبارين ولا قلت شي ‏
ولع : بلاك بزر ما تدري وين ربي حاطك فيه ‏
زياد يبي يقهرها : وين حاطني فيه هذاني ‏معكم في الصاله روحي امسحي دموعك يام ‏دميعه هههههههههه
ولع بقهـــر : يمه شووفيه خليه يسكت لا اوريه ‏شغله ...‏
ام يزيد : زيااد يالله قم لغرفتك ولا تأذي اختك ‏خلها فحالها ‏
‏ طلع زياد وهو يتحلطم وطلعت وراه ولع لعند ‏دلع ‏
دلع ما كانت احسن منها يوم شافت اختها ‏
دلع : والله اني خايفه يووه ما رح احل شي ‏وش اسوي ‏
ولـع : كلنا في الهوا سوا ابروح اكلم بنت عمي ‏حبيبتي اشوف حالها راحت تدق على حلا اما ‏دلع كملت مذاكره ‏
حلا : يا ولاعه وش تبيني اسويلك يعني كلنا ‏بنختبر ‏
ولع : طيب بس انا خااااايفه دقيت عشان ‏تخففين عني مالت علي بس
حلا : ايه والله ماالت علييك ‏
وليــد في الصااله يدق على حلا : حلا حلا ‏ممكن تفتحين .. ‏
حلا تكلم ولع : وش يبي هذا بعد ‏
ولع : منهووو .. حلا : وليدووه يطق باب غرفتي ‏يبيني افتح له ‏
ولع : بعد والله تكفيين روحي شووفيه انا ‏احترييك ‏
حلا : اووكي ون منيت ... وقاامت حلا بتشوف ‏وش يبي عند الباب : نعم وش تبي ‏
وليــد بابتساامه : حلا الساعه كم الحين ‏
حلا تناظرة ببرود : وش هالسؤال البايخ يعني ما ‏فيه ساعه في الصاله ولا فغرتك ولا هذي اللي ‏قدامك وشو ‏
وليد تفشل بس ابتسم : ايييه ادري طيب الساعه ‏كم ..؟
حلا بقهرر : هذاهي قدامك السااعه تسع ‏
وليد وتزيد ابتسامته : طيب وش رايكم باللي ‏يوديكم تتعشون برا ‏
حلا تناظره : نعم اخوي وش قلت ‏
وليد : حلا انتي ليش اسلوبك كذا معي انا قلت ‏دامني طفشان اطلعكم منها اروح عن نفسي ‏ومنها اخرجكم شوي من جو المذاكره ‏وتتونسون شووي ‏
جااتهم الجووري : وش فيييكم وش تحشوون ‏فيه ...‏
حلا : ما نحش شوفيه ولد خالتك يبي يعشينا برا ‏
الجوري بفرح : والله جد يا سلام من زماان ما ‏شفت الشارع ‏
حلا : نصابه امس شايفته من الدريشه بعد ‏
ضحك وليد : ههههههه طيب وش قلتوا ‏
الجوري : اكيد موافقه .. حلا : منيب موافقه ‏
الجوري : ليش حلو وش عندك ‏
حلا وهي تدخل : راسي يعورني منيب فاضيه ‏لطلعاتكم ودخلت تكمل حكي مع ولع ‏
اما وليد مستغرب لابعد حدود منها ويناظر ‏الجوري اللي تفشلت من اختها ..‏
الجوري تكلمه : ما عليك منها لا تدقق في ‏تصرفاتها يالله مالنا نصيب في الطلعه خلها مره ‏ثانيه وراحت غرفتها ووليد نزل الصاله يتفرج ‏تلفزيون وش يسوي ما باليد حيلـه .... ‏
اما حلا فقالت لولع اللي صــار ‏
ولع : والله موب سهل بعد يعزم لو انا منك كان ‏وافقت ‏
حلا : نعم يختي اوافق بصفته مين عشان ‏يحسبني مشفوحه على الطلعه لا يا حبيبتي انا ‏ابي احسسه اني ما اعتبره ولا شي بتصرفاتي ‏ابخليه يكره انه جا عندنا حتى
ولع : اوووف منك حسني اسلوبك معه ترا وراك ‏اختبارات والله ان يدعي عليك وتقعدين فيها ‏يالله انا بسكر سلاام
حلا تفكر في كلام ولع وهي الصادقه : اووكي ‏باي ‏
مسكت رااسها بشكل ملفت في محاوله منها انها ‏توقف الصداع : ياربيه من راسي انا لازم ‏اشوفلي حل ما ينفع كذا ‏
نزلت تاخذلها بندول من المطبخ وتاكلها شي ‏تحس بجووع قااهـــر ‏
لقت وليد قاعد في الصاله شكله يكسر الخاطر ‏كانه يفكر وشعره محيووس ومو منتبه للتلفزيون ‏ابدا ‏
وانا وش علي منه ورااحت للمطبخ تصلحلها ‏اكل وليد طبعا ما انتبه لها ‏
بعد ربع ساعه طلعت من المطبخ ووليد على ‏نفس حالته انا لازم اسئله ‏
راحت جلست في اخررر كنبه وهي تناظر للـ ‏tv‏ ‏‏: وش فيه الاخ سرحاان ‏
وليد رفع راسه لها وابتسم : سلامتك ما فيني ‏شي ‏
حلا :ايه مره ما فيك شي اجل تفكر وتتعب ‏نفسك على الفاضي << كل شي عندها تعب ‏خخخخخـ ‏
وليد : يعني احس بطفش فضيع وسعود موب ‏فاضيلي وانا ما ادل الرياض الزيـــن‏
حلا :وش اللي حادك دورلك وظيفه دام عندك ‏شهاده بدل قعدتك اللي مالها داعي ‏
وليـد : هذاني ادور والله يسهل ‏
قاامت حلا من عنده بترقا فوووق‏
وليد : على ويــن .. حلا : ابروح السووق يعني ‏على وين ابرقا غرفتي وليــد بأسى : طيب حلا ‏انا طفشان ‏
حلا بابتسامه مصطنعه : والمطلوووب ‏
وليد ابتسم : طيب اجلسي وانا اقولك ‏
حلا جلست : وهذانا جلسنا وش عندك ‏
وليـد : حلا انا ودي اقولك شي من اول ما ‏جيت ابي اقوله بس انتي الله يهداك ما تعطين ‏الواحد فرصه ... حلا : طيب تكلم وش عندك ‏
وليد : هنا ما ينفع اخاف احد يسمعنا ‏
حلا : وليش ان شاء الله وين تبيني اوديك ‏غرفتي مثلا ..‏
وليد : لا ما قلت كذا نرووح المجلس احسن ‏
حلا : سووري ولد خالتي تراني حلا منيب أي ‏بنت
وليــد : والله ادري انك بنت خالتي بس ‏فخاطري كلام ودي اقوله لك اوكي ابقوله هناا ‏بس ابيك تفهميني ‏
حلا ويدها على خدها : تفضل قوول
وليــد : تدريــن انه مر شهر ونص تقريبا وانا ‏عندكم ..‏
حلا بطفــش : ايه ادري وبعديـــن
وليد بتردد : حلا انـا ودي اقول انـ ...‏
دخل عليهم سعوود توه جاي من الدوام : ‏السلام عليكم ‏
حلا ووليد : وعليكم السلام والرحمه يا هلا ‏
سعود : وش اخباركم يووه حلا جالسه معك ‏غريبــه من وين طالعه الشمس ‏
حلا : وش فيها يعني اجلس مكان ما ابي ‏
سعود طنشهـا : ها وليـــد وشلوونك وقعده البيت
وليد : تمام الا اني طفشان شووي ‏
سعود بابتسامه : والله ادري اني مقصر معك بس ‏ولا يهمك بس خلني ارتاحلي ساعه ونطلع كلنا ‏مع بعض ‏
حلا فررحت : جــد والله سعوودي بتطلعنا ‏
سعود : ههههههههه قد مره كذبت عليك
حلا قامت : لا والله يالله انا برووح اقول ‏لجواري ‏
راحت وهم يضحكون عليها ‏
وليد : تصدق بغيت اطلعهم نروح نتعشى بس ‏اختك معية والحين على طول طاارت ‏
سعود : هههههه تعرف حلا انت عنيده وما ‏ترضى أي احد يوديها وسولفوا شووي وطلع ‏سعوود ياخذله تعسيله لين الساعه 10 ‏

ــــــــــــــــــــــــــــ
يزيد : هلا والله طلول اخبارك وش مسوي ‏
طلال: يا هلا تمام انت وشلونك
يزيد : والله لوني ابيض الا ان كانه تغير مع ‏الزمن
طلال : ههههههه يزيد والله طفشان مرره ‏
يزيد : الحال من بعضوو الا اقول ما تدري عن ‏تركي
طلال : اخر مره كلمته اممم منذو مبطي الا ‏وش رايك نطلع نروح مكان ‏
يزيد : والله قداام ابشوف تريك وسعود كانه ‏يبي يجي ونرووح صدى الملاعب ‏
طلال : اووكي بترووح على محمد الطلعه ‏
يزيد : ههههه مزديه محد قاله يشتغل ‏
طلال : هههههه تقولها من القهر يالله باي ‏
يزيد : خخخخخ باي وسكروا راح يزيد يدق ‏على سعوود بس ما رد قال ابدق على تريك ‏وارجع اشوف
اما طلال راح يلبس ويجهز جاته سرور ‏
طلال : نعم وش تبين .. سرور : طلال والله ‏احس بطفش فضيع ما ودك تطلعنا ‏
طلال : مره ثانيه ابروح مع اخوياي ‏
سرور تروح بطفش : اووكي بكيفك ‏
ــــــــــــــــــــــ

تكميله الروايه في العدد القادم ان شاء الله ..

الله لا يحرمك الاجر يا رب ... يسلموو عالروووايه ,,